موضوع: طريقة عمل تشيز كيك زي الجاهز الجمعة مايو 28, 2010 2:06 am
# الكمية تكفي: 8 أشخاص
# وقت التحضير: 15 دقيقة
# المقادير: الطبقة الاولي: علبة بسكويت ماري 3 ملاعق كبيرة زبدة تلت كوب لبن
الطبقة الثانية:
علبة جبنه مربعات ممكن تجيبي اكشن (عليها عرض 6 قطع + 2 مجانا) 2 قطعة جبنة نستو أي نوع 1/8 جبنه قشطه (زي الجبنة الكوباية بالضبط علبة قشطة صغيرة 150 جرام أوقشطة اللبن ظرف دريم ويب أو ملعقتين كريم شانتي سايب بالسكر عصير ليمونة + بشر قشرتها بيضتين (انا حطيت بيضة واحدة عشان كان كبير) معلقتين كبار لبن بودرة
الطبقة الثالثة: ساور كريم (يعني قشطه حامضية) لو هتجيبيها جاهزة هاتي جهينة
الطبقة الاخيرة: جيلي توت او فراولة تعمليه بكوب واحد ماء مغلي بدل كوبايتين بس ينفع تكتفي بكده للطبقة التوبينج بس انا زودت عليها: قطع فراولة كانت عندي في الفريزر عصير فيمتو مركز بيدي طعم ولون ومزازة معلقة صغيرة مليانة نشا'
# التحضير: الطبقة الاولي: تطحني البسكوت في المطحنة لغاية ما يبقى عامل زي البقسماط الناعم وتعجنيه بالزبده المتسيحة مع اللبن السخن
الطبقة التانية: تضربي البيض وتحطي عليه رشة فانيليا او تعصري عليه ليمون وتفضلي تضربي 10 دقايق نقريبا وتضربي المقادير التانية في اناء تاني كلها على بعضها وبعدين تحطي عليها البيض وتضربيهم مع بعش كله بمضرب البيض الكهرباء ولو غير متواجد اعمليها بالمضرب السلك اليدوي وحطيها عالطبقة الأولى
الطبقة الثالثة: انا عملتها بنفسي جبت علبة زبادي على معلقتين قشطة كنت مخنصراهم من مقادير الطبقة الثانية ووحطيت عليها ليمون وخل ومعلقة لبن بودره ومعلقة جبنه كريم حادقه شويه وقلبتها
الطبقة الاخيرة: وغليت الماء ودوبت الجيلي وحطيت علها النشا بعد مادوبتها في معلقة ميا وحطيت الفيمتو وولعت تاني ثوان بس وطفيت وبعدين حطيت الفراولة المثلجة فخلت الجيلي يجمد أسرع منغير ثلاجة .. اول ما يبدأ الخليط يتقل يبقى عامل زي الصوص هتصبيه ببطء بالمعلقة على وش التشيز كيك بس بالراحه.. وضعيها في الثلاجة
# الطبخ: وبعدين ضعي الطبقتين في المايكرويف دقيقتين بالضبط ولو في الفرن هيبقى اكتر شويه بس مش هتعدي العشر دقايق ممكن اقل وعلى حرارة هادية خالص وبعد لما تبرد حطيها في الثلاجة
# ملاحظات: لو استبدلتي الطبقة البسكويت بطبقة كيك اسفنجي رفيعه اوي هتبقى زي الجاهزة بتاعة الكافيهات الكبرى