مين ليّا غيرك ياقـلم؟
لما الاقي الدنيا ضايقة
وقلبي مليان بالسـأم
لما الهموم تملا حياتي
واستسلم والوح بالعلم
وساعتها تبقى الشكوى للناس
زيها زي العـدم
*************
مين ليّا غيرك ياقـلم؟
لما اشوف ان الحبايب كدابين
وماكنش أبدﴽ دا العشم
ممكن نقول ان الحكم يا ما ظلم
وكأننا عايشين في كون
بعض اللي فيه لابسين عمم
وبقى اللي صاحب حق هو المتهم
*************
مين ليّا غيرك ياقـلم؟
لما تبقى الدنيا لعبة
فيها ناس طايلة.. وناس فيها تنحرم
والغلابة تملي حقهم اتهضم
دا معدش فيه أصلا ذمـم
فين القيم .. يااهل الحكم؟
كانت زمان .. أيام زمان
أيام ما كان الجرح دايما يلتئم
أيام ما كان للناس ضمير
وان كان ضمير في زمانا صاحبه بينكتم
يسكت كأنه واحد م الخدم أو م الحشم
*************
اسمع هقوللك يا قــلم
ربك وواهب للبشر كل النعم
خلق الحياة وبيختبرنا ويمتحن
علشان يجازي ف يوم مينفعش الندم
ويا بخت من يومها سلم
*************
واكتب هقوللك يا قلم
لازم ضميرنا يفوق
وتصحى هنا الهمم
لازم نحقق حلمنا ونمشي ف طريقنا ورا الأمل
حلمي اننا نحاول نكون زي زمان
خـــير الأمــــم
--------------------------------------------------------------------------------
[center]
الثلاثاء سبتمبر 22, 2009 4:11 am
