اتعلمت اية من الحياة

اية اللى انت اتعلمتة من حياتك ؟
انا عن نفسى اتعلمت حاجات كتير
اتعلمت الحب حب ربنا وحب الرسول وحب كل الناس وكل اصحابى وحب اقاربى واخواتى وحب بابا وماما وحب الخير للناس زى ما بحب لنفسى .
اتعلمت انى ما ابقاش منافقة يعنى اللى فى قلبى على لسانى
اتعلمت انى ما ابقاش انانية
اتعلمت انى لما احب حد احبة بجد وما اخونشى حبى لية
اتعلمت الغيرة على الناس اللى بحبهم
اتعلمت الخوف من ربنا والخوف على الناس اللى بحبهم
اتعلمت انى ما اامنش لحد واديلة كل ثقتى
اتعلمت انى اتعامل مع الاكبر منى باحترام
اتعلمت انى اتعامل مع اللى اصغر منى بعطف وحب وحنان
اتعلمت انى احاول اسيطر على نفسى لما اتنرفز علشان ما اخسرش الناس اللى بحبهم زى ما حصل معايا قبل كدة
اتعلمت انى ما اديش لحد كل اسرارى
اتعلمت انى ما اخدعش حد
اتعلمت انى لما اغلط اعترف بغلطى لانة مش عيب انة الواحد يغلط المهم انة ما يقررش الغلط دة تانى
اتعلمت انى لما اغلط فى حق حد اعتزرلة
اتعلمت انى ما اعتزرش غير لما ابقى غلطانة
اتعلمت انى اقول الحق مهما كان الثمن .
اتعلمت انى انصف المظلوم .



يا ترى انتو اتعلمتو اية ؟؟؟؟؟

على فكرة يا جماعة الكلام دة كلو انا كتباة من قلبى
يا رب يعجبكو وتقولولى اية رايكم

بجد رووووووووووووووووووووووووووووووووووعه وانتى كلامك زى الفل
انا اتعلمت من الحياه
انى احب الحياه عشان تحبنى
وان الحياه حلووة بس نفهمها

ميرسى يا ساسو على مروريك وعلى رديك

بجد توبيك جامد ياسمر

ميرسى يا سومى على رديك على الموضوع

موضوع حلو اوى يا سوسو
وانا اتعلمت انى مش اثق فى حد مهما كنت بحبه وكان قريب منى عشان هايجى يوم ويجرحنى
واتعلمت انى ما افرحش جدا عشان لما ازعل ماموتش من الزعل

ثااااااااااااااااااااااااااااااااااااااااااااانكس تووووووووووووووووووووووووووووووووووووووووووووو ااااااااااااااااااااااااااااااااال

ميرسى يا ميما على رديك وميرسى ليكو كلكو على ردودكم

اتعلمت انى اكبر ومحطش فى دماغى عشان الحياه متستهلش نفكر فيها

انا اتعلمت انى مش اقول اسرارى لحد وانى مش اثق فى حد ابدا مهما كنت بحبه اوى عشان هيجى يوم وهنزعل مع بعض ونتخانق وهيقول كل اسرارى